Klowagenbau LJ Rabenstein
Das größte Projekt der Landjugend Rabenstein war wohl der Klowagenbau. Dieses Projekt startete im Oktober 2014 und wurde im April 2015 beendet. Somit wurde in ungefähr einem halben Jahr ein Projekt auf die Beine gestellt, von dem nicht nur die LJ Rabenstein und die Gemeinde Rabenstein profitiert, sondern auch Nachbartäler und Nachbarbezirke.
Zur Abschlussfeier des Klowagenbaus am 10. Juli überlegte sich unsere Leitung ein kleines G'stanzl, welches die Geschichte des Klowagens ein bisschen umschreibt. ;)
Ba jedn Festl an Klowagen ausborgen is a zum Schmeißen,
drum hauma si denkt, wir baun unser eigenes Mobil zum Scheißen!
De Kathi und i woan amoi unsan Herrn Bürgi vorwarnen,
das ma do fia unser Gerät auch a Platzal muas eiplanen.
Des oane muas ma owa a dazua song,
Wir haum nu ned gwusst wia groß dasa wird, da Wong.
A passendes Gstö hot da Mario glei ghobt,
duatzmois woa jo nu bei da Firma Trost sei Job.
Nirgends a Schutzbrille zum finden, in koane Ladln und koane Kastln,
bis da Aigi draufkema is, er kunnt sie ja aus ana Cola Floschn ane bastln.
Daun is losgaunga mit Stehe, Stützen und Streben zum aufischweißen,
des hot sie gaunz sche zaht, immerhin woan des 2,5 Tonnen Eisen. In Schutz vo da Black & Decker hauma owagrissn den Schmorrn und daraus is unser stationärer Bieröffner woan.
Der Aufgaung zum Baun woa aweng gschissn,
wia huamtn 10x zuwigschwoast und wieda owa grissn.
Hot ned laung daut bis ois mit Mist und Dreck woa mau voi,
zum Glick hauma so tüchtige Mentscha de zaumgramt haum unsan Saustoi.
Des woa aum Martin sein Fluacha deutlich zum hean,
dass de Stiang und ea kane Freind mea wean.
Einige Mäntscha woan a aboa Tog do zum Sünden obiasn,
Weil de haum des gaunze Eisen 2x streicha miasn.
Unser Zimmerer, da Thomas hots glei oman ghobt de Pfäten und Sporren,
do isa beim Etzbau des Adoptivkind woan.
Unser Mitglied, da Dutter Flo mocht ois Bezirksleiter a super Figua,
Guad fia uns, dasa Elektriker is a nu dazua.
Zu Neujahr is ned vü gaunga, do hot da Hausherr gsogt so geht es nicht,
is a verständlich, weil daun woa sogoa de zweite Halle a scho mit Platten zuagschlicht.
Nochn Simandlball is weitagaunga recht flott und exakt,
do hauma de restlichen Plottn glei zuwigspaxt.
So wia beim Sprichwort, zu viele Köche verderben den Brei,
genauso woas mit unsare Inscht a, wei do hauma a glei fünfi dabei.
Se haum owa ea soch recht guad gmocht des is fix,
weil bis zum heitigen Tog tröpfit nu nix!
Des Prefa Routenblech woa a aweng a Leiden,
De höfte hauma wieda owagrissn bezeitn.
Unsa Spengler vom Dienst woa da Schöner Roman,
ea hot des Blech bezeitn ghobt oman.
Im Aprü hauma in Klowong vazahn miasn vom Etzbaun,
weil sie Monika & Stephan haum lossn traun.
Da Boden des woa a fost aweng a Streiterei,
weil ma ned recht gwisst haum, wechana da gscheidane wuat sei. Da Benji hot uns daun in 2 Tog an Industriebodn einigfetzt, und der hoit nu problemlos, bis jetzt. Und Leidln des oane is gwiss, dass des sicha unsa letzter Klowagenbau gwesn is.
