LJ Bogen

Sprengeljahr 2019/20

Servas, grias eich midanaund!

 

Wir woin uns kurz bei eich vorstön! :) 
Wer san wir? Wos mocht uns aus? Und womit vabring ma unser Zeit?

 

Wir san die Landjugend Hofstetten-Grünau, bestehen momentan aus rund 70 Mitgliedern und san einer vo fünf Sprengel im Landjugend Bezirk Kirchberg an der Pielach. 

 

Wir san ...

... immer spontan & trotzdem top organisiert

... einzigartig & vielfältig z'gleich

... offen für Neichs & behoidn Altbewährtes

... Freind fias Lem

... engagiert, damid se wos duad

... motiviert, uns weiterzuentwickeln

... a Gaudi für aundare & vor oim für uns söbst

... olle verschieden & doch irgendwie gleich

... a Gemeinschoft, in der jeder sein Plotz find't

... gemeinsaum unschlogboa

... die Landjugend Hofstetten-Grünau!

 

Unser bereits jahrelanges Motto: "Es gibt nur a Gas und des is VOIGAS!"

 

 

Die Highlights im Landjugend-Jahreskreis: 

 

HERBST: Des neue Landjugendjahr start' ma mit unserer Generalversammlung Ende Oktober. Daun trau' ma uns auf die Theaterbühne und führ'n an fünf Spielterminen unser alljährliches Landjugendtheater auf. 

 

WINTER: Im Dezember sama mit am Standl beim Grünauer Advent dabei, binden Adventskränze für die Gemeinde und unsere Familien, besuchen Adventmärkte und genießen de Vorweihnochtszeit. Mit unserer Weihnochtsfeier stimm' ma uns gemeinsam auf die schönste Zeit im Joah ei. Weiter geht's mit Silvester - wir schaun zruck auf die gemeinsaume Zeit und beginnen midanaund des neiche Joah. Im Jänner starten wir daun in die Ballsaison - noch unserm Bauernball, gemeinsaum mit Bauernbund und Bäuerinnen, steht unser Landjugendball, da Dirndlball au. A Highlight is natürlich des alljährliche Bezirksschifoan mit unseren Nochbarsprengln Aufaung März.

 

FRÜHLING: Daun is Zeit für Weiterbildung & Bewerbe - ob Rhetorik, Kochkurse, Spieleseminar, Bowlen, Pokern, Schnapsen oder Darten - wir kenan ois! Und waun ned, daun find ma's umso lustiger. Außerdem steht im Frühling ah immer unser Woschtog au, den ma in Bad Schallerbach vabringan. 

 

SOMMER: Im Sommer veranstalt' ma an Seilziehbewerb mit unserer anschließender Party "Rock the rope". Außerdem foama a Wochenende über auf Sprengelausflug. Und Sport wird im Sommer großgschriem - ob Fuaßboi oder Volleyboi, wir san überoi dabei!

 

Jeds zweite Joah mochma ah beim Projektmarathon mit - gerne kaunst bei unserem letzten Projekt vorbeischaun: http://www.projektmarathon.at/gruppen-2019/mostviertel/hofstetten-gruenau/blog :)

 

So schnö geht's und es is scho wieder HERBST: Nochdem ma uns jeds zweite Joah beim Dorffest in Hofstetten mit am Stand beteiligen, stehn daun wieder die Vorbereitungen für Generalversammlung und Theater aun. Und scho geht der Spaß vo vorne los :)

 

Des san die Highlights unseres Landjugendjahres - owa des is nu lauuuung ned ois! Waun du immer wissen wüst, wos bei uns so passiert, schaust am besten auf Facebook, Instagram oder auf unserer Landjugend-Homepage vorbei!

 

 

Du brauchst wos Bestimmtes von uns? Am besten, du mödst di bei unserer Leitung - de is wirklich (fost) immer für di erreichboa!

 

 

 

Elisabeth Enne

Plambacheck 1

3202 Hofstetten-Grünau

elisabeth.enne(at)gmail.com

0680/2484664

 

Johannes Heindl

Raintalstraße 6

3202 Hofstetten-Grünau

johannes.heindl1(at)gmail.com

0664/4204125

 


Seids gspaunt - unsern Ausschuss stöh ma eich demnächst vor! :)

 

 

Wir gfrein se auf oll' de neichn Erlebnisse und Herausforderungen im neichn Laundjugendjoah!
Bis boid -
eicha Landjugend Hofstetten-Grünau! :)

POWERED BY:
ISO certified LJ Balken
Europäischer Landwirtschaftsfonds für die Entwicklung des ländlichen Raums: Hier investiert Europa in die ländlichen Gebiete.